Mu nama yahuje abakora ubucuruzi butandukanye mu karere ka Rulindo n’abagize inama y’Umutekano itaguye y’Akarere abacuruzi basabwe kwita ku mabwiriza agenga ubucuruzi ndetse n’isuku.

Muri iyi nama ubuyobozi bw’Akarere bwagaragarije abacuruzi batanga serivisi z’amacumbi ibyagaragaye mu bugenzuzi bwakozwe na komite y’Akarere ishinzwe ubugenzuzi aho ahenshi bwagaragaje ko abenshi mu bacuruza amacumbi usanga badafite icyemezo gitangwa n’ikigo cy’igihugu gishinzwe iterambera RDB,igitabo cyabugenewe cyo kwandikamo abo bacumbikiye ndetse no kutubahiriza amabwiriza y’Isuku. 

Uretse abatanga serivise zo gucuruza amacumbi umuyobozi w’Akarere ari kumwe n’abagize inama y’umutekano itaguye baganiriye n’abacuruzi bakorera muri centre zitandukanye zo mu murenge wa Bushoki hagamijwe kubasobanurira amategeko agenga imikoreshereze y'ubutaka mu mbago z'umuhanda hamwe  n'amategeko agenga imikireshereze y'ibishanga no kurengera ibidukikije ndetse n’isuku y’aho batuye, abayobozi bagaragaje ibikenewe  kugirango isuku yifuzwa igerweho