Kuri uyu wa 9/1/2021 Abajyanama mu Nama Njyanama y’Akarere ka Rulindo, mu rwego rwo kwegera abaturage, basuye imirenge yose igize Akarere ka Rulindo uko ari 17 baganira n’ubuyobozi bw’Umurenge ku ishyirwa mu bikorwa rya gahunda yo kurwanya COVID19 no kurandura imirie mibi mu bana.

Abajyanama mu Nama Njyanama y'Akarere ka Rulindo, bari kumwe n'abagize Komite Nyobozi y'Akarere, bayobowe na President wayo Bwana Dusabirane Aimable; basuye imirenge yose igize Akarere ka Rulindo batanga ubutumwa bwo kwirinda COVID19 no kuyikingiza, batanze ubutumwa bwo kwirinda COVID19 no kuyikingiza mu bitabiriye amateraniro na mu misa babasaba ko ubwo butumwa bahawe babugeza ku bagize imiryango yabo no mu baturanyi babo, basuye kandi sites zikingirirwaho COVID-19 baganira n'abaganga n'abafasha mu bikorwa by'ikingira. Abajyanama bashimiye ubwitange bagaraga mu kazi bakora. 

Muri uru rugendo, Abajyanama mu Nama Njyanama bagiranye ibiganiro n'ubuyobozi bw'imirenge hamwe n'abahagariye ibyiciro by'abaturage bakira ibyifuzo n'ibibazo y'abatuge. Ibiganiro byibanze ku gukangurira ubuyobozi gukomeza kwirinda COVID-19, kuba intangarugero mubo bayobora, kurwanya imirire mibi no kwimakaza isuku mu baturage.

Ubuyobozi bw’imirenge bwagaragrije Abajyanama uko ibikorwa byo gukingira icyorezo cya COVID19, uko imibare y’abarwaye, abakize n’abazize COVID19 ihagaze kugeza magingo aya hagaragazwa ingamba n’ubukangurambaga birimo gushyirwa mu bikorwa hagamijwe kwirinda no kurwanya COVID19 mu baturage.

Imirenge yagaragaje kandi uko ishyirwa mu bikorwa rya gahunda yo kurwanya imirire mibi ihagaze, maze Abajyanama batanga ubutumwa bushishikariza imirenge yose kwita by’umwihariko ku kibazo cy’abana bafite imirire mibi, guherekeza imiryango bavukamo bakigishwa by’ihariye kandi bagafashwa ku bufatanye n’inzego zose.

Mu ijambo rye, Perezida w’Inama Njyanama mu Karere ka Rulindo Bwana DUSABIRANE Aimable; wayoboye itsinda ryasuye imirenge ya Base, Rukozo, Cyungo na Kinihira; yashimiye ubuyobozi bw’imirenge mu kazi gakomeye bakora ko gufasha abaturage gukomeza kwirinda COVID-19 no kuyikingiza asaba kutadohoha mu ngamba zo kwirinda COVID19 kuko n’umuntu umwe iyo abuze ubuzima igihugu kiba gihombye cyane. Yabasabye kandi gukomeza gushyira umuturage ku isonga, kumwegera no kumuba hafi umunsi ku wundi. Yasabye ubuyobozi kwita ku kibazo cy’imirire mibi, abana bose bagakurikiranwa mu mirire, mu mikurire, mu burere no mu myigire kuko abibo hazaza h’ejo igihugu gihanze amaso.

Abajyanama bijeje ubuyobozi ubufatanye muri gahunda zose z’akazi kandi ko biteguye kubagira inama mu gihe cyose bizaba ngombwa.