kuri uyu wa gatatu  abagize urwego rwunganira ubuyobozi bw'Akarere mu gucunga umutekano  bayobowe n'umuhuzabikorwa w'uru rwego KANOBANA Girbert hamwe n'umuyobozi wa IBUKA mu karere  madamu MUREBWAYIRE Alphonsine basuye urwibutso rwa Jenoside yakorewe abatutsi rwa Mvuzo bunamira inzirakarengane zishyuye muri uru rwibutso.

 Abakozi b'uru rwego  basobanuriwe amateka ya Jenoside yakorewe abatutsi mu  cyahoze ari komine MUGAMBAZI Ndetse no ku musozi wa mvuzo byumwiharika basabwa kurwanya abahakana bakanapfobya Jenoside yakorewe abatutsi no kwigisha abakiri bato ubumwe n'ubudaheranwa bakirinda  ingengabitekerezo ya Jenoside.

Nyuma yo gusura urwibutso abagize Urwego rwunganira ubuyobozi bw'Akarere mu gucunga umutekano basuye ndetse bafata mu mugongo MUKANGARAMBE Annonciatha warokotse jenocide utuye mu murenge wa Cyinzuzi aho bamuhaye ibiribwa n'ibindi bikoresho bitandukanye.