Ibi bikoresho  byatanzwe ku bufatanye bw’Akarere ka Rulindo na World Vision/Rulindo, mu rwego rwo guteza imbere imibereho myiza y’abana bafite ubumuga no kubafasha kubungabunga isuku n’ubuzima bwabo bwa buri munsi.

Mbere yo gutanga ibi bikoresho, Umuyobozi w’Akarere Wungirije ushinzwe Imibereho Myiza y’Abaturage MUTAGANDA Theophile  yagiranye ikiganiro n’ababyeyi b’abo bana, abasaba kwita ku isuku  no kubavuza ku gihe, hagamijwe gukumira ko ubumuga bafite bwakomeza kwiyongera cyangwa kubagiraho ingaruka zirushijeho.

MUTAGANDA Theophile Yongeye kwibutsa ababyeyi ko ubufatanye bwabo n’inzego z’ubuyobozi n’abafatanyabikorwa ari ingenzi mu kurengera uburenganzira bw’abana bafite ubumuga no kubaha amahirwe angana n’ay’abandi bana.

Ababyeyi bahawe ibi bikoresho bashimiye ubuyobozi bw’Akarere ka Rulindo na World Vision ku nkunga bahawe, bagaragaza ko izabafasha kurushaho kwita ku bana babo no kubaha ubuzima bwiza.

Iki gikorwa kiri mu murongo wa gahunda z’Akarere zigamije guteza imbere imibereho myiza y’abaturage by’umwihariko abafite ubumuga harimo n’abana.

Bimwe mu bikoresho byatanzwe birimo amasabune ndetse n'ibikoresho byifashishwa mu bwiherero