Kuri uyu wa mbere uRwanda ni isi yose muri rusange hatangiye ibikorwa byo kwibuka ku nshuro ya 31 jenoside yakorewe abatutsi mu 1994,mu karere ka Rulindo gutangiza icyunamo byabereye ku rwibutso rwa jenoside ruri  mu murenge wa Mbogo. 

Mu gutangiza ibikorwa byo kwibuka ku nshuro ya 31 jenoside yakorewe abatutsi,Guverinire w'intara y'amajyaruguru Bwana MUGABOWAGAHUNDE Maurice hamwe n'umuyobozi  w'akarere ka Rulindo madamu MUKANYIRIGIRA Judith benyegeje urumuri rw'icyizere ku biro by'umurenge wa Rusiga.

Nyuma yo kwenyegeza urumuri rw'icyizere umuhango wo gutangiza icyunamo wakomereje ku rwibutso rwa Jenoside yakorewe abatutsi ruri mu murenge wa Mbogo mu kagali ka Rurenge mu mudugudu wa Ruhondo

Uyu muhango ukaba witabiriwe n'abayobozi batandukanye barimo Hon BITUNGURAMYE Diogene Guverineri w'intara y'amajyaruguru Bwana MUGABOWAGAHUNDE maurice ari nawe wari umushyitsi mukuru,umuyobozi w'Akarere ka Rulindo madam MUKANYIRIGIRA Judith perezida w'inama njyanama y'Akarere bwana DUSABIRANE Aimable. 

Muri uyu muhango abayobozi bashyize indabo ku rwibutso rwa Jenoside ndetse bunamira imibiri ishyinguye muri uru rwibutso.

Muri uyu muhango wo kwibuka ku nshuro ya 31 Jenoside yakorewe abatutsi hanatanzwe ubutumwa butandukanye harimo ubukubiye mu ndirimbo zo kwibuka, ubuhamya bw'umwe mu barokotse Jenoside ndetse n'ikiganiro cyo kwibuka cyatanzwe na Hon BITUNGURAMYE Diogene.

Umuyobozi w’Akarere madamu MUKANYIRIGIRA Judith yashimiye abashyitsi baje kwifatanya n’Akarere kwibuka ku nshuro ya 31 jenoside yakorewe abatutsi ndetse asaba abaturage b’Akarere ka Rulindo kugira imyitwarire myiza muri ibi bihe byo kwibuka  birinda ingengabitekerezo ya jenoside, bakarangwa n’ibikorwa by’ubugiraneza no kuba hafi abarokotse jenoside yakorewe abatutsi.      

Umuyobozi wa IBUKA mu karere ka Rulindo madamu MUREBWAYIRE Alphonsine yashimiye ingabo zahoze ari iza RPA inkotanyi n’umukuru w’igihugu Nyakubahwa Paul KAGAME bahagaritse jenoside ndetse bagasubiza ubuzima abarokotse jenoside mu gihe bibwiraga ko batakibayeho.

Madamu MUREBWAYIRE kandi yanishimiye ubuyobozi bw’Akarere ka Rulindo budahwema kuba hafi abarokotse jenoside yakorewe abatutsi 1994 haba mukubungabunga ibimenyetso bya jenoside ndetse no kwita byumwihariko kubayirokotse . 

Guverineri w'intara y'amajyaruguru Bwana MUGABOWAGAHUNDE Maurice ari nawe wari umushyitsi mukuru  mu butumwa yageneye abaturage ndetse n'abari baje kwifatanya n’abarokotse jenoside yakorewe abatutsi kwibuka ku nshuro ya 31 abarokotse jenoside yakorewe abatutsi mu karere ka Rulindo byumwihariko abafite ababo baruhukiye mu rwibutso rwa jenoside rwa mbogo, n’imiryango yabuze ababo bashyinguye hirya no hino mu karere ka Rulindo no muntara y’Amajyaruguru muri Rusange ndetse akaba yasabye abafite amakuru yahari imibiri itarashyingurwa mu cyubahiro ko bayatanga kugirango nayo bashyingurwe mu cyubahiro.

Urwibutso rwa jenoside rwa mbogo rushyinguyemo imibiri irenga 650 rukaba ruri mu nzibutso 6 zizasigara mu karere ka Rulindo nyuma yo guhuza inzibutso hagamijwe kurushaho kubungabunga amateka n’ibimenyetso bya jenoside yakorewe abatutsi 1994.