Kuri uyu wa kabiri ikigo gishinzwe cy’igihugu gishinzwe iterambere ry’inzego z’ibanze LODA Cyashyikirije telephone abajyanama b'imibereho myiza n'iterambere 494 bakorera mu midugudu yose yo mu karere ka Rulindo.

 Mbere y’uko bashyikirizwa izi telephone Umukozi wa LODA NIYONSABA Liberathe yabanje kwibutsa abajyanama mu mibereho myiza n’iterambera inshingano zabo ndetse akaba yabijeje Gukomeza kubaba hafi  mu rwego rwo kubafasha kuragiza inshingano zabo no gutegura kare ibibagenerwa bikabagereraho ku gihe

abajyanama mu mibereho myiza n’iterambere bahawe izi Telephone  bashimiye LODA kandi  bemeza ko zizabafasha gukemura bimwe mu  bibazo bahuraga nabyo birimo  kubura uko batanga raporo

LODA ivuga ko iki ari icyiciro cya mbere cyahawe izi telephone kugirango zizabafashe kurushaho kunoza inshingano zabo.

Izi telefoni zikoranye porogaramu ituma zishobora kugaragara aho zaba ziri hose, ndetse zikaba zitemera indi mirongo uretse iyo ba PSWs bahawe na LODA.

Ubuyobozi bwa LODA busaba abahawe izi telefoni kuzirikana ko ari ibikoresho by’akazi, bakarushaho kuzifata neza kandi bakirinda kuzikoresha mu bikorwa binyuranye n’akazi.