Iyi  inama nyunguranabitekerezo y'abavuka mu karere ka Rulindo n'abafatanyabikorwa b'Akarere, yarigamije Kurebera hamwe icyateza imbere Akarere ka Rulindo no gufatanya gukemura ibibazo bibangamiye imibereho myiza y'Abaturage.

Atangiza iyi nama Umuyobozi w'Akarere ka Rulindo MUKANYIRIGIRA Judith yasobanuriye abitabiriye iyi nama impamvu yayo abagaragariza icyerekezo cy'igihugu 2050 ndetse n'uruhare rwa buri wese mu kugera kuri iki cyerekezo.

Muri iyi nama abayitabiriye bagaragarijwe ishusho y'Akarere ndetse n'amahirwe ahari y'ishoramari  banasobanurirwa imikoreshereze y'igishushanyo mbonera cy'ubutaka mu karere ka Rulindo banasobanurirwa uruhare rwabo mu iterambere ry'Akarere bakomokamo.

Nyuma yo kungurana ibitekerezo abitabiriye inama biyemeje kugira uruhare mu iterambere ry'imibereho myiza y'abaturage bakusanya inkunga ingana na miliyoni zisaga 50 z'amafaranga y'URwanda azifashishwa mu gukemura ibibazo bibangamiye imibereho myiza y'Abaturage.

Abitabiriye iyi nama bashimye iyi gahunda y'Akarere yo kubahuriza hamwe hagamijwe gushakira hamwe ibisubizo no gufatanya guteza imbere Akarere bavukamo ndetse bakaba bahise batangiza ikigega kigamije iterambere ry'Akarere (Rulindo Development Fund)