Kuri uyu wa gatandatu tariki ya 26 mata 2025   mu mirenge yose igize Akarere ka Rulindo hakozwe umuganda rusange usoza ukwezi kwa mata, aho abajyanama bakoreye umuganda mu mirenge babereye imboni.

umuyobozi w’Akarere Madamu Mukanyirigira Judith hamwe n’abagize inama y’umutekano itaguye n'umuyobozi ushinzwe imirimo rusange NSANZAMAHORO Ereneste bifatanyije n'abaturage bo mu murenge wa Shyorongi mu kagari ka Muvumu mu muganda wo gucukura imirwanyasuri mu rwego rwo gukumira ibiza biterwa n'imvura.

Umuyobozi w'Akarere wungirije ushinzwe iterambere ry'ubukungu Bwana RUGERINYANGE Theonest akaba yifatanyije n'abaturage bo mu murenge wa Cyungo abereye imboni ,Aho hakozwe umuganda wo Kubakira umuturage witwa MUREKATETE wasenyewe n'ibiza.

Umuyobozi w'Akarere wungirije ushinzwe imibereho myiza y'Abaturage Bwana MUTAGANDA Theophile akaba yifatanyije n'abaturage bo mu murenge wa  Buyoga abereye imboni mu muganda usoza ukwezi kwa Mata aho hakozwe umuganda wo   gusiza ikibanza cyizubakwaho ibyumba by'amashuri 6 mu rwunge rw'amashuri rwa Gahororo ndetse hanatanganywa imihanda yangijwe n'imvura.

Umuganda wo kuri uyu wa gatandatu kandi wanitabiriwe na perezida w'inama njyanama y'Akarere DUSABIRANE Aimable aho yifatanyije n'abaturage bo mu murenge wa Murambi abereye  imboni mu muganda wo kurwanya isuri no gusana ibiraro ndetse no kubakira umuturage wasenyewe n'ibiza

Nyuma y’umuganda abaturage bahawe ubutumwa butandukanye bubakangurira gukomeza kwirinda ibiza bakazirika ibisenge cyane cyane  muri ibi bihe by’imvura.

Ubundi butumwa bwatanzwe n’abayobozi nyuma y’umuganda burimo ubujyanye no gushishikariza abaturage  gukora bakivana mu bukene, kugira isuku ku mubiri ndetse naho batuye , gutangira amakuru ku gihe hagamijwe gukomeza kubungabunga umutekano ,Kwirinda ibiyobyabwenge ndetse no Kwirinda amakimbirane mu miryango 

Umuyobozi w’Akarere Madamu MUKANYIRIGIRA Judith yaganirije abaturage bo mu murenge wa shyorongi mu kagali ka Muvumu gahunda y’icyerekezo cy’igihugu 2050 aho yaberetse intego igihugu gifite n’iterambere igihugu gishaka kugeraho  akaba yasabye abaturage kubigiramo uruhare.