Ibi yabigarutseho kuri uyu wa kabiri  mu nama yahuje inama y’umutekano itaguye y’Akarere , abanyamabanga nshingwabikorwa b’imirenge ,abayobozi b’ibibitarondetse n’abayobozi b’ibigo nderabuzima yarigamije gufatira hamwe ingamba zo gukemura ibibazo bibangamiye umudendezo w’abaturage ndetse n'imiyoborere ishyira umuturage ku isonga.

Muri iyi nama abayitabiriye barebeye hamwe bimwe mu bibazo bibangamiye imibereho myiza y’abaturage birimo kutagira amacumbi ameze neza,kutagira ubwiherero bwujuje ibisabwa ,kubana n’amatungo mu nzu, isuku nke ndetse indwara ziterwa n’umwanda ndetse n’ikibazo cy’abana bagaragara mu mirire mibi.

Muri iyi nama umuyobozi w’Akarere  madamu MUKANYIRIGIRA Judith, akaba yongeye  gushimangira ko gahunda y' ABADAHIGWA MU ISIBO ari izingiro ry'iterambere ry'abaturage, gukemura ibibazo bibangamiye umudendezo wabo bityo asaba abayobozi bose kumanuka bakgera mu masibo bashinzwe mu rwego rwo gufasha abaturage kwigobotora ibi bibazo bikibangamiye imibereho myiza yabo ndetse n’iterambere ryabo.  

Abanyamabanga nshingwabikorwa b'imirenge n'abayobozi b'ibigo nderabuzima ndetse n'abakozi b'Akarere bashinzwe imibereho myiza y'abaturage 

                                 Abagize inzego z'umutekano n'umuyobozi mukuru w'ibitaro bya Rutongo bari bitabiriye inama

Isibo ni ingo zituye zegeranye hagati ya 15-20, nizo zireberwamo uko zibasha gukorana byoroshye no gusuzuma intambwe ya buri wese atera mu rugendo basangiye rwo kwigira , kwihesha agaciro no kwikura mu bukene byubakiye ku muco n'amateka by'u Rwanda, banafatanya gucyaha utatira igihango bafitanye.

Ibi byatuma Isibo iba izingiro ry'iterambere ry'ubukungu, ry'imibereho myiza ndetse n'imiyoborere myiza.

ubwo umuyobozi w'Akarere madamu MUKANYIRIGIRA Judith yatangizaga gahunda y'Abadahigwa mu isibo muri 2024

ABADAHIGWA ni izina ry'Ubutore ry'abaturage b'Akarere ka Rulindo, mu gihe  ABADAHIGWA MU ISIBO ari gahunda yatangijwe mu Karere ka Rulindo kuwa 24/12/2024 aho buri mukozi wese w’Akarere afite isibo agomba gukurikirana akamenya imibereho y’abatuye muri iyo sibo kandi akayifasha mu bikorwa bitandukanye bizamura imibereho myiza birimo nko gukangurira buri muryango kugira Isuku,akarima k’igikoni,kugira ubwiherero bwujuje ibisabwa,kugira agatara ko kwanikaho amasahane,gukurikirana ko abana bose bo muri iyo sibo biga nibindi.