Kuva tariki ya 11 kanama u Rwanda rwatangiye icyumweru cyahariwe irangamimerere,gutangiza iki cyumweru mu Karere ka Rulindo byakozwe tariki ya 12 kanama bikorerwa mu Murenge wa Cyinzuzi Akagali ka Budakiranya.

Mu gutangiza icyumweru cyahariwe irangamimerere umuyobozi w’Akarere Madamu MUKANYIRIGIRA Judith yibukije abaturage serivisi z’irangamimerere zitangirwa ku Murenge zirimo kwandikisha umwana wavutse,kwandukuza umuntu witabye Imana,gukosoza irangamimere nko mugihe washyingiwe cyangwa waratandukanye n’uwo mwashakanye n’ibindi…

Umuyobozi w’Akarere kandi yakomeje asaba abaturage kwitabira gukoresha ikoranabuhanga,ashishikarije abaturage kwitabira gahunda ya byikorere mu rwego rwo kwirinda gutakaza umwanya bajya gushaka ubafasha.

Ku rwego rw’igihugu Akarere ka Rulindo kaje ku mwanya wa 8 mu gutanga serivise z’irangamimerere mu gihe umurenge wa Cyinzuzi watangirijwemo iyi gahunda ku rwego rw’Akarere ariwo waje ku mwanya wa mbere mu karere mu gutanga serivise z’irangamimerere ukaba waranahawe icyemezo cy’ishimwe.