Kuri uyu wa kabiri umuyobozi w’Akarere wungirije ushinzwe iterambere ry’ubukungu RUGERINYANGE Theonest yakiriye itsinda ry’abafatanyabikorwa mu iterambere ry’ubukungu mu karere ka Rulindo.

Iri tsinda rikaba ryaje mu rwego rwo gusura no gukurikirana ibikorwa by’ubuhinzi n’ubworozi bikorwa n’umushinga KUNGAHARA ugamije kurwanya imirire mibi, ukaba uterwa inkunga n’umuryango w’ubumwe bw’ibihugu by’Uburayi ugashyirwa mu bikorwa na Care International Kubufatanye na  DUHAMIC ADRI. 

Umushinga ukaba ufasha abaturage b’Akarere ka Rulindo ubaha amahugurwa arebana no kurwanya imirire mibi n’igwingira ukabafasha mu buhinzi n’ubworozi,aho ufasha abaturage kubona  imbuto y’ibishyimbo,imboga ndetse ugatanga amahugurwa ku bworozi bw’inkoko mu rwego rwo kurwanya imirire mibi n’igwingira.

Aba bafatanyabikorwa bayobowe n’umuyobozi w’Akarere wungirije ushinzwe iterambere ry’ubukungu bakaba  basuye  ubuhinzi bw'ibishyimbo mu Murenge wa wa Bushoki, umuturage worojwe inkoko mu Murenge wa Base.

Umushinga KUNGAHARA ukaba ukorera mu ntara y’Amajyaruguru mu Turere twa Rulindo,Gakenke n’Akarere ka Gicumbi.