Ni inama  yarigamijwe kwigira hamwe  uburyo gahunda yo  gushyirwa mubikorwa umuhigo wo gukwirakwiza umuriro w'amashanyarazi mu ngo yahuzwa n'igishushanyo mbonera cy'akarere ku buryo umuriro wazagezwa kuri site z'imiturire

Mu karere ka Rulindo hari imishinga  mishya yo gukwirakwiza umuriro w’amashanyarazi harimo uwa RUEAP( Rwanda Universal Energy Access Program) watangiye kubaka imiyoboro y’amashanyarazi mu mirenge 11 igize Akarere,aho ingo zisaga ibihumbi 11209 zizahabwa amashanyarazi zikazafatira kuri transformateur 72.

Iyi nama yari yitabiriwe n’umuyobozi w'akarere ka Rulindo madam MUKANYIRIGIRA Judith,uwari uyoboye itsinda rya EDCL,RUGIRA Esdras(Director of Planning),KAZERA Mediatrice field coordinator waruhagarariye world bank nk'umuterankunga w'umushinga,RUTABAYIRU Janvier waruhagarariye EUCL ishami rya Rulindo na co.ltd solomon line supervisor waruhagarariye rwiyemezamirimo wubaka imiyoboro y'amashanyarazi TBEA.

 Iyi nama yemeje ko  umushinga ukomeza uko uteguwe ahubwo ku wundi ugiye gutangira hakazibandwa kuri sites zimiturire kandi  Nyuma y'abazahabwa amashanyarazi kuri uyu mushinga undi muntu uzasaba amashanyarazi hazajya harebwa niba atuye kuri site yagenewe imiturire

Iyi nama kandi yemeje Gutanga ubutumwa ku ma sites agiye gutangwaho amashanyarazi kugira ngo hatazagira ubasaba amafaranga Kandi guhabwa amashanyarazi Ari Ubuntu ndetse no guteguza abaturage gukora installation mu mazu yabo amashanyarazi akazaza bahita bacana.

Ibindi byemejwe mur’iyi nama harimo gushaka ingo 224 zitishoboye zizahabwa ibyitwa ready boards ndetse no gukorana na EDCL hakarebwa sites zagenewe imiturire zigerwamo n'amashanyarazi cyangwa Aho atagera hakibandwaho mu gihe hazaba hatangiye umushinga witwa ASCENT.

Kugezubu mu karere ka Rulindo ingo zifite amashanyarazi zigera kubihumbi 91,909 bingana na 82.4% intego ikaba aruko mu mwaka wa 2029 ingo zose zizaba zifite amashanyarazi.