Kuva kuri uyu wa gatatu abakozi b'ikigo cy'igihugu cy'ibarurisha mibare bari gusuzuma ishyirwa mubikorwa ry'imihigo y'Akarere y'umwaka wa 2024-2025.iri tsinda ryaje riyobowe na bwana MUNDERERE Theophile ushinzwe kugenzura imihigo y'Akarere ka Rulindo ryakiriwe n'umuyobozi w'Akarere madamu MUKANYIRIGIRA Judith ari kumwe na perezida w'inama njyanama y'Akarere bwana DUSABIRANE Aimable ndetse n'abahagarariye inzego z'umutekano hamwe n'umuyobozi w'ihuriro ry'abafatanyabikorwa b'Akarere ka Rulindo.

Muri uyu mwaka w'ingengo y'imari 2024-2025 Akarere ka Rulindo  kari gafite imihigo 115, igera ku 107 ikaba yarashyizwe mu bikorwa 100% mu gihe imihigo 8 nayo yagezweho ku kigero kiri hejuru ya 70%.

iyi mihigo ikaba ikubiye mu nkingi eshatu zingenzi harimo inkingi y'imiyoborere myiza,ubukungu n'imibereho myiza y'abaturage.bimwe mu bikorwa byakozwe  mu nkingi y'imiyoborere myiza Akarere ka Rulindo kubatse ndetse gasana ibiro by'utugali dutatu,Gusana ikibuga cy’Umupira w’Intoki mu murenge wa Cyinzuzi  

Gushyira mu bikorwa Umugenzuzi Inama z’Umugenzuzi mukuru w’Imari ya Leta Gukemura Ibibazo by’Abaturage n’Ibindi Mu gihe mu nkingi y'ubukungu Akarere ka Rulindo kari kahizi kuzamura ubukungu bw’abaturage  hibandwa cyane guteza imbere ubuhinzi bitewe n’uko mu karere kacu abaturage barenga 80% batunzwe n’ubuhinzi,binyuze mu Kubaka amaterasi y’indinganire ku buso bungana na hegitari esheshatu (6ha);Kubaka ubutuburiro bw’imbuto y’ibirayi n’inzu z’ubuhunikiro mu Mirenge ya Bushoki na Kisaro, mu rwego rwo gufasha amakoperative y’ubuhinzi kwituburira imbuto;Guhanga imirimo 5,748;Gufasha urubyiruko 249 kwigishwa imyuga no kuruha ibikoresho birufasha gukora imirimo bize;Gufasha abaturage 214 kwiga gukora imishinga;Gufasha abaturage 1562 kubona inguzanyo binyuze muri gahunda ya VUP FS (VUP Financial Services);Kubaka ikiraro cya Yanze gihuza Umurenge wa Ngoma n’uwa Shyorongi kikazoroshya ubuhahirane hagati y’abaturage batuye muri iyi mirenge yombi;Kubaka Gare ya Shyorongi ku bufatanye na Trinity Metals/ Nyakabingo, mu rwego rwo gufasha abaturage b’Akarere ka Rulindo ndetse n’abatuye.

mu nkingi y’Imibereho myiza muri uyu mwaka wa 2024-2025 akarere ka Rulindo kari karahize Kubaka imiyoboro y’amazi ya Kinywamagana mu Murenge wa Shyorongi na Kararama mu Murenge wa Cyinzuzi, byafashije Akarere kugera ku ijanisha rya 85.2% by’abaturage bafite amazi meza;Ku bufatanye na REG/EDCL, hubatswe imiyoboro y’amashanyarazi, bituma ijanisha ry’ingo zifite amashanyarazi rigera kuri 87%; Abaturage bagera ku bihumbi 18,000 bahawe Imbabura zirondereza ibicayanwa, Kubaka amacumbi 4 y’abarokotse Jenoside yakorewe Abatutsi batishoboye, batuye mu Mirenge ya Ntarabana, Shyorongi na Cyinzuzi;Kubaka ibyumba 16 birimo 4 by’imyuga n’ubumenyi ngiro byubatswe mu mirenge itandukanye;Kubaka ibyumba 4 by’Umukobwa mu Mirenge ya Bushoki na Base; Kubaka urugo mbonezamikurire y’abana bato (ECD) ya Nyamyumba na Kivugiza mu Murenge wa  Masoro, ubu mu Karere tukaba tugeze ku ngo mbonezamikurire 836.

Abaturage basaga Ibihumbi 17,000 bafashizwe guhuzwa n’Amahirwe abafasha kwivana mu bukene. Aha twanavuga ko byatanzwe umusaruro kuko ubu akarere kari ku mwanya wa 11 mu kugabanya Ubukene (EICV7).