Kuri uyu wa kane tariki ya 21 kanama 2025 Umuyobozi w'Akarere Madamu MUKANYIRIGIRA Judith,  yakiriye mu biro Serena sakira na Sylvia bayobora umuryango ENI Foundation 

Ni muruzinduko bagiriye mu karere ka Rulindo  rugamije kuganira n’Umuyobozi w’Akarere ku mishanga uyu muryango wifuza gukorera muri Rulindo,iyi mishanga ikaba izibanda cyane mu guteza imbere urwego rw'ubuzima.

Imwe mu mishanga aba bayobozi bagaragaje  harimo  ijyanye no guteza imbere  Ubuzima bw’umwana n’umubyeyi,guhugura abakozi bakora muri serivisi z'ubuzima  no kubaka inzu z’ababyeyi.

Abayobozi b’umuryango ENI Foundation kandi basobanuriye umuyobozi ko bifuza  kuzakora ibikorwa bijyanye no  kwita ku buzima bwo mu mutwe binyuze mu bikorwa bya sport n’amahugurwa atandukanye azahabwa abashinzwe kwita ku buzima bwo mu mutwe mu mavuriro yose .

Umuyobozi w’Akarere Madamu MUKANYIRIGIRA Judith yashimiye umuryango ENI Foundation ku musanzu usanzwe ugira mu guteza imbere urwego rw’ubuzima by’umwihariko ubuzima bw’umwana n’umubyeyi ndetse akaba yijeje  uruhare rufatika rw’Akarere mu gufatanya na ENI Foundation mu  gushyira mu bikorwa iyi mishinga .